Heilbrigður og hreinn munnur er forsenda þess að geta borðað, talað og hlegið eðlilega og geta átt í samskiptum við fólk í nálægð án þess að þykja það óþægilegt. Að tyggja vel getur einnig stuðlað að bættri starfsemi heilans og minnisstöðva hans þar sem það eykur blóðflæði til heilans. Léleg munnhirða eykur einnig líkur á lungnabólgu og hjarta- og æðasjúkdómum. Léleg munnhirða getur raskað blóðsykursgildum fólks með sykursýki.
Rétt tannburstun fjarlægir tannsýklu.
Tannsýkla birtist sem hvítleit/gulleit skán og myndast úr samblöndu matarleifa, munnvatns og baktería. Hún safnast saman á og á milli tanna og jaxla og meðfram tannholdinu.
Hreinsun tannsýklu kemur í veg fyrir tannskemmdir, bólgur, sveppasýkingar og sársauka. Það stuðlar einnig að heilbrigðu útliti og ferskum andardrætti. Hver segir nei við því?!
Verkfærasettið er ætlað þeim sem eru með viðkvæmar tennur, reiða sig á umönnun og hafa takmarkaða getu til að viðhalda munnhirðu eða gangast undir meðferð hjá tannlækni.
